Россия ташқи ишлар вазири Сергей Лавров Туркия президентининг Россия фуқаросининг ИШИДдан нефть сотиб олишга алоқадорлиги борлиги ҳақидаги айтган сўзларига “Ўғрининг қалпоғи ҳам ёнади”, яъни жиноятчи ўз қилғилиғини ўзининг хатти-ҳаракатлари билан ошкор қилади, деб изоҳ берди, деб хабар бермоқда РИА “Новости” ахборот агентлиги.  

Аввалроқ Туркия президент Ражаб Тойиб Эрдўған Россияга қарши айбловлар билан чиқди ва Россиянинг ўзи гўёки ИШИДдан нефть сотиб олишга алоқадорлиги борлигини айтди. Эрдўғаннинг айтишича, ИШИДдан нефть сотиб олувчилардан бири Россия паспортига эга суриялик тадбиркор Жорж Ҳасваний исмли шахс ҳисобланади.

“Мен бу баёнотни эшитмадим, бироқ бу баёнот нефть билан ноқонуний савдо ҳақидаги ахборот медиа ҳудудга тушгандан кейин, биз аниқ далилларни келтирганимиздан кейин бир неча кунлар ўтиб айтилаётгани ғалатидир. Билмадим. Бу ҳолатда фақатгина қалпоқ ҳақидаги мақол эсга келиши мумкин, бошқа ҳеч нарса эсга келмайди”, деб айтди Лавров.

Аввалроқ Эрдўған агар Анқара ИШИДдан нефть сотиб олаётганининг исботлари келтирилса, истеъфога кетишини айтганди.