Грузия президенти Георгий Маргвелашвили мамлакатнинг собиқ президенти Михаил Саакашвилининг Грузия фуқаролигидан маҳрум қилиш бўйича фармойишга имзо қўйди. Бу ҳақда мамлакат раҳбари матбуот хизмати хабар тарқатмоқда.

Май ойида Михаил Саакашвили расмий равишда украин фуқаролигини қабул қилганди. Шундан сўнг у Одесса вилояти губернатори этиб тайинланган.

Куни кеча мамлакат Адлия вазирлиги Саакашвилини фуқароликдан чиқариб ташлаш бўйича президентга мурожаат қилгани ҳақида хабарлар пайдо бўлганди.

Июль ойида Саакашвили Грузия фуқаролигини рад этганди. Грузия президенти Георгий Маргвелашвили бундай ҳаракатни «мамлакатга таҳдид қилиш» дея баҳолаганди.