Волгоградда 35 ёшли Ўзбекистон фуқароси наша гиёҳванд моддаси билан қўлга тушди. Унинг эътироф этишича, ушбу гиёҳванд моддасини ўзи истеъмол қилиши учун Ўзбекистондан келтирган.

Cod34.ru нашрининг маълум қилишича, 2014 йилнинг аперль ойида “Новониколаевский” постида ҳуқуқ-тартибот идоралари ходимлари томонидан машина тўхтатилади. Ундаги йўловчилардан бирининг буюмлари орасидан шубҳали суюқлик тўлдирилган вино бутилкаси топилади. Мутахассисларнинг аниқлашича, бутилка ичидаги суюқлик бир килограмм миқдоридаги наша гиёҳванд моддасининг ёғи бўлиб чиқади.

Гиёҳванд модда эгасининг айтишича, у буни ўзи истеъмол қилиш учун Ўзбекистондан тайёрлаб олиб келган. У Москвага ишлаш учун кетаётган бўлган.

Суд эркакни гиёҳванд моддалар ташишда айблаб, 15,5 йилга озодликдан маҳрум қилинди ва маҳкум жазони қаттиқ режимли колонияда ўтайдиган бўлди.