Ироқ ўз ҳудудидаги Туркия ҳарбийлари устига юриш қилиш билан таҳдид солди

Жаҳон 05 Декабрь 2015 7100

Ироқ Мудофаа ва хавфсизлик қўмитаси раҳбари Ҳаким ал-Замили туркиялик ҳарбийлар мамлакат ҳудудини тарк этмаса, уларга нисбатан ҳарбий чора кўрилиши билан огоҳлантирди. Бу ҳақда Voice of Iraq хабар тарқатган.

Ал-Замалининг айтишича, қўмита томонидан Ироқ бош вазири Ҳайдар ал-Абадий номига туркиялик ҳарбийлар устига авиация орқали зарба берилиши тавсия қилинган мактуб юборилган.

У айни вақтда Туркия ҳарбийлари жойлашган ҳудудни "хорижий аскарлар томонидан босиб олинган ҳудуд" сифатида баҳолаган. Унинг қайд этишича, Мосул яқинида Туркиянинг 1000 нафар атрофидаги ҳарбийси ҳамда ўнлаб танклар ва бошқа техникалари жойлашган.

Бироз олдинроқ, Ироқ президенти Туркиянинг ўз мамлакатига киришини халқаро нормаларни бузилиши дея атаганди.

Кўпроқ янгиликлар