Rickenbacker томонидан ишлаб чиқилиб, The Beatles гуруҳи аъзоси Жон Леннон томонидан фойдаланилган гитара Julien's Auctions аукцион уйида 910 минг долларга сотилди. Бу ҳақда ташкилот сайтида маълум қилинди.

Ушбу гитара Леннонга гуруҳнинг бошқа аъзоси Ринго Старр томонидан совға қилинган.
Бундан ташқари, аукционда The Beatles аъзоси Ринго Старрнинг барабани ҳам сотувга қўйилди. Associated Press маълумотига кўра, уни Indianapolis Colts футбол жамоасининг хўжайини Жим Ирсей 2,2 миллион долларни сотиб олди.

Икки кун давом этган аукцион савдоларида Старр ва унинг турмуш ўртоғи Барбара Бахга тегишли бўлган 800та буюм савдога қўйилди. Даромадларнинг бир қисми хайрия қилиниши айтилди.
2015 йилда Ринго Старр 75 ёшни қарши олди. Ливерпул тўртлигининг сўнгги «Let It Be» альбоми чиққанига эса 45 йил бўлди.