Мексика полицияси 3 кишини австралиялик спортчилар қотиллигида гумон қилиб қўлга олган. Бундан олдинроқ, Синаола штати ҳудудида австралиялик 2 сёрфингчи йўқолиб қолганди.

Полиция вакилининг маълум қилишича, қўлга олинганлар шу штатдаги жиноий ташкилот аъзолари ҳисобланишади. Қотилликка алоқадорликда гумон қилинаётган яна 2 кишини қидириш ишлари олиб борилмоқда.

Австралиялик 2 сёрфингчи 21 ноябрь куни Гвадалахара шаҳрига етиб бориши керак бўлган, лекин улар бедарак кетган.

Терговнинг тахминига кўра, уларга йўлда жиноий гуруҳ ҳужум қилган ва таламоқчи бўлган. Спортчилар қаршилик кўрсатишгач, улар ўлдирилишган ва ёқиб юборилишган.

Айни вақтда суд тиббиёт экспертизаси ҳудудда аниқланган жасад қолдиқларини текшириб, уларнинг кимга тегишли эканини аниқлаш учун иш олиб бормоқда.