Норвегиядаги Aftenposten газетаси хатолик туфайли Санта-Клауснинг ўлими ҳақида таъзиянома чоп этди.

Мамлакатдаги энг йирик нашрлардан бири ҳисобланадиган бу газетада Санта-Клаус 1788 йилнинг 12 декабрида туғилгани ва ўтган ҳафтада Норвегиянинг Нордкап шаҳрида 227 ёшида вафот этгани ҳақида хабар ёзилган. Шунингдек, бу таъзияномада Санта-Клаусни дафн қилиш маросими шу йилнинг 28 декабрида Шимолий қутбда ўтказилиши тўғрисида ёзилган.

Тез ўтмасдан бу хабар хатолик туфайли чоп этилгани маълум қилиниб, муҳаррирлар газетани таъзияномани олиб ташлаб, унинг ўрнида бундай хато бошқа такрорланмаслиги ёзилган ҳолда қайта нашр қилишган.