Россия Давлат думаси Россия конституцион суди қарорларининг халқаро суд инстанциялари чиқарган қарорлардан устуворлиги бўйича қонун лойиҳасини қабул қилди. Қонун лойиҳасига 436 нафар депутат овоз берди, 3 нафари қарши чиқди.

Қонун лойиҳаси Федерация кенгашидан ўтгандан кейин ва президент томонидан имзолангандан кейин Россия конституцион суди Инсон ҳуқуқлари бўйича Европа суди каби халқаро судлар чиқарган қарорларни рад эта олади.

2014 йил 31 июлда Инсон ҳуқуқлари бўйича Европа суди Россияга ЮКОС компаниясининг собиқ акциядорларига 1,86 млрд евро товон пули ва суд харажатлари сифатида яна 300 минг евро тўлаш мажбуриятини қўйди. Россия Адлия вазирлигида Москва бу қарорни бажаришдан бош тортиши айтилганди.