Россия Мудофаа вазирлиги АҚШнинг Суриядаги вазият ҳақидаги охирги баёнотлари иккилик стандартларига асосланган деб ҳисобламоқда, деб айтди вазирлик расмий вакили генерал-майор Игорь Конашенков. Бу ҳақда РИА “Новости” ахборот агентлиги маълум қилди.

Конашенковнинг айтишича, Пентагоннинг баёнотлари иккилик стандартлари ва сўзлар ўйинига асосланган “бемаънилик театри”ни эслатиб юборади.

“Гоҳ улар кўрадилар, гоҳ кўрмайдилар, гоҳ мухолифатни ўртамиёнага ва ўртамиёнамасга ажратадилар. Ҳаттоки террорчилар ҳам уларда ёмон ва жуда ёмонга бўлинади”, деб айтди Конашенков матбуот-анжуманида.

Конашенков Россия террорчилар билан ўйнашиш хавфли эканлигини бир неча бор таъкидлаб ўтганини эслатиб ўтди.