Австралиялик режиссёр Ўзбекистон ҳақида ҳужжатли фильм суратга олмоқчи

Жамият 06 Декабрь 2015 3099

Австралиялик таниқли режиссёр ва оператор Людовик Пето Ўзбекистон ҳақида ҳужжатли фильм суратга олмоқчи.

Айни кунларда у Тошкентда бўлиб, ушбу лойиҳани амалга ошириш имкониятларини ўрганмоқда. Пето тиғиз иш жадвалига қарамасдан, “Sputnik Узбекистан” мухбирига Ўзбекистон билан ҳамкорликдан нималар кутаётгани ҳақидаги фикрлари билан бўлишди.

“Мен қизиқарли тарихлар излаб бутун дунё бўйлаб доимо саёҳат қиламан ва Ўзбекистон бу борада хазинадир. Улкан ҳудудлар, қизиқарли ландшафтлар, кўплаб ноёб жойлар –одамлар айнан шу нарсалар учун телевизорни томоша қилишади. Улар ўрганилмаган нарсаларга тегишни исташади”, деб айтди Пето.

Пето France 5, Discovery Channel, SBS ва ABC каби жаҳоннинг бир қатор етакчи телеканаллари билан ишлайди. Унинг айтишича, бу телеканаллар бугунда кенг жамоатчиликка нотаниш бўлган жойлар ва у ердаги одамлар ҳақида сўзловчи фильмларга қатта қизиқиш билдирмоқдалар.

Петонинг ўзи Ўзбекистоннинг маданий мероси, унинг бой тарихи ва анъаналари, шунингдек, кўплаб маданият ва бу ҳудудда минг йиллардан кўпроқ вақт яшаган миллатларнинг бир-бирига қоришиб кетгани ҳақида сўзлаб беришни истамоқда. Шунингдек, режиссёр ноқулай шароитларда, мисол учун Орол минтақаси ёки Қизилқум чўллари чегарасида яшаган иродали одамлар ҳақида лавҳалар яратмоқчи.

Петонинг таъкидлашича, ҳужжатли фильм авваламбор Европа аудиториясига мўлжалланади.

Людовик Пето экология ва фан ҳақидаги ҳужжатли фильмлар муаллифи ва режиссёри сифатида танилган. Ҳозирда у иссиқлик тўлқинлари ва уларнинг турли экотизимларга таъсири, тўлқин энергиясидан фойдаланиш истиқболлари ҳақида сўзловчи фильмлар серияси устида иш олиб бормоқда. У бир неча бор нуфузли мукофотлар билан тақдирланган.

Кун янгиликлари
Абитуриент ҳикояси: “Мен ўқув маркази томонидан алдандим”
10:34 / 20.08.2017 30076 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 42352 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 158808 Жамият
Кун.uz офис изламоқда
15:48 / 06.08.2017 45019 Lifestyle
Ла-лига. «Барселона» ғалаба билан бошлади
01:32 112 Спорт
Илон Маск БМТдан жанговор роботларни тақиқлашни талаб қилмоқда
Коалиция бомбалари остида 80 нафар суриялик ҳалок бўлди
00:27 769 Жаҳон
РФПЛ. «Ростов» «Краснодар» билан дуранг ўйнади, Шомуродов захирадан майдонга тушди
00:23 417 Спорт
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 1891 Жаҳон
Бундеслига. «Боруссия» М ғалаба қозонди, «Айнтрахт» дуранг ўйнади
00:13 166 Спорт
Кўпроқ янгиликлар