Суриядаги ихтилоф Россия ва Эрон каби давлатларни жалб қилган ҳолда ҳал қилиниши керак. 4 декабрда бўлиб ўтган телефон суҳбатида АҚШ президенти Барак Обама ва Буюк Британия бош вазири Дэвид Кэмерон шундай хулосага келишди. Бу ҳақда 6 декабрда Буюк Британия ҳукумати матбуот хизмати маълум қилди.

Аввалроқ Оқ уй матбуот хизмати маълум қилганидек, Обама ва Кэмерон телефон орқали суҳбатда ИШИДга қарши курашувчи коалицияга барча давлатлар агар уларнинг Суриядаги мақсадлари коалицияники билан бир хил бўлса қўшилишлари мумкинлигига рози бўлишганди.

Хусусан, Обама Буюк Британия парламентининг мамлакат ҳарбий-ҳаво кучларига Сурияда ИШИДга қарши зарбалар амалга ошириш ҳуқуқини берувчи қарорига ижобий муносабат билдирди.