Яманнинг Аден шаҳрида қуролланган номаълум одам “Ал-Қоида” аъзоларига ҳукм чиқариб келган судья Мохсен Алуанни ўлдирди. Бу ҳақда Associated Press хабар бермоқда.
Манбада келтирилишича, мотоциклда ҳаракатланаётган жиноятчи шаҳар ҳудудида автомобилда кетаётган судьяга қарата ўқ очган. Отишма натижасида судья билан бирга яна уч нафар киши ҳалок бўлган.
Ушбу жиноят бўйича жавобгарликни ҳеч қайси террорчилик гуруҳи ўз зиммасига олмаган бўлса-да, ҳужумни Яманда ҳаракатланувчи «Ал-Қоида» аъзолари содир этганликда гумон қилинмоқда.