Болливуд кинофильмларининг энг машҳур жуфтлиги бўлмиш Шоҳруҳхон ва Кажол янги фильмда яна биргаликда бош ролларни гавдалантиради. “Севишганлар/Dilwale” номли ушбу фильм премьераси 18 декабрь куни бўлиб ўтади.

Режиссёр Роҳит Шеттининг ушбу фильми Ҳиндистоннинг ўзида сабрсизлик билан кутилмоқда. Картина атрофидаги бундай шовшув, кучли реклама кампаниясидан ташқари, юз миллионлаб мухлисларга эга Шоҳруҳхон ва Кажолнинг яна бирга катта экранларга чиқиши билан тушунтирилади.

Шубҳасиз, бу фильм ҳинд киноижодкорларининг ўз мухлисларига ажойиб совғаси бўлади.
Яна бир диққатга сазовор томони, съёмка жараёни мамлакатдан ташқарида, олис Исландиянинг гўзал гўшаларида амалга оширилди. Трейлерда бу оролда ниҳоятда чиройли ва ранг-баранг саҳналар тасвирга олинганига гувоҳ бўлиш мумкин.

Роҳит Шетти унинг фильмининг муваффақиятини биринчи галда Шоҳруҳхон ва Кажолнинг ажойиб ижроси таъминлаб беришига ишонмоқда.