Бразилиядаги «Сан-Паулу» клубининг рекордчи дарвозабони Рожерио Сени фаолиятини якунлаганини эълон қилди.

У дунё футболи тарихида энг кўп гол урган дарвозабон ҳисобланади - 131та гол.
Унинг хайрлашув учрашуви "Гояс" жамоасига қарши ўтказилди. Жамоа бу ўйинда 1:0 ҳисобида ғалаба қозонди ва турнир жадвалидаги 4-ўринни таъминлади.

42 ёшли ушбу посбон 1992 йилдан бошлаб бутун фаолиятини «Сан-Паулу» жамоасида ўтказди. У ўз фаолияти давомида жами 1256та ўйинда майдонга тушган. Шундан 16аси Бразилия терма жамоаси сафида. У терма жамоа билан 2002 йилги мундиалда ғалаба қозониб, олтин медални кўксига таққан.

Сени Бразилиянинг 3 карра чемпиони, Либертадорес кубогининг 3 карра соҳиби, шунингдек, жаҳон чемпиони (2002) ҳисобланади.

Сени 2008 йилда Бразилиянинг энг яхши футболчиси унвонини қўлга киритган.

Рожерио Сени футбол тарихида энг кўп гол урган (131) дарвозабон сифатида ФИФА томонидан тан олинган.