Халқаро коалиция Афғонистондан чиқиши ҳақида барвақт маълум қилиб юборган ва бундан толибонлар фойдаланишган. Бу ҳақда Германия федератив республикаси Мудофаа вазири Урсула фон дер Ляйен Мозори-Шариф шаҳрига қилган ташрифи вақтида маълум қилган. Бу ҳақда DPA ахборот агентлигида хабар қилинган.

"Биз халқаро коалициянинг Афғонистонни тарк этиши ҳақида шошма-шошарлик билан эълон қилиб юбордик. Шундан кейин толибонлар фаоллашишди. 2015 йилда жангарилар Афғонистон ҳукумати ва армиясини таслим қилиш учун барча ишни қилишди", дейди вазир.

Унинг таклиф қилишича, халқаро коалиция Афғонистондаги миссиясини давом эттириши керак.

"Халқаро коалиция маҳаллий ҳукумат билан ҳамкорликда ҳудуддаги фаолиятин давом эттириши керак", деган фон дер Ляйен.

"Бизнинг сиёсий соҳадаги аниқ мақсадларимиз бор. Албатта Афғонистон ҳукумати билан бу борада келишувга эриша оламиз", дейди вазир.