Охирги пайтларда Анқаранинг ташқи сиёсати агрессивлашиб, Россия билан бўлганидек ихтилофларни келтириб чиқармоқда, деб ёзади The Guardian нашри.

Асад тарафдорларини заифлаштириш ҳаракатида Туркия Россия самолётини уриб туширди, бу ҳатто совуқ уруш йилларида ҳам жуда хавфли вазият ҳисобланарди. Эрдўғаннинг бундай ҳаракатлари мамлакатни хавфли оқибатлар билан юзма-юз қилиши мумкин.

Колумнистнинг фикрича, Туркия империядан айрилганининг аламини бугунги кунга қадар чиқара олмаяпти. Шу боис Эрдўған ўзини “Усмонли халифалигини қайта тикловчи” сифатида тақдим этишга уринмоқда.
Журналист Туркия раҳбарига асосий хатар Ғарбдан эмас, Шарқдан – Сурия ва Ироқдан келаётганини эслатиб қўйди.