6 декабрь куни «Матч ТВ» телеканалининг фейсбукдаги саҳифасида хатолик туфайли телеканалнинг ижтимоий тармоқлардаги саҳифаларига кириш пароллари кўрсатилган сурат нашр этилди.

VC.ru нашрининг ёзишича, бу пароллар ҳақиқий бўлган ва улар тезда алмаштирилган.

Шунингдек, фейсбукка чиқарилган пост ҳам ўчириб ташланган.

«Матч ТВ» «Россия 2» ва «НТВ Плюс»нинг спорт каналлари базасида 1 ноябрь куни очилган бўлиб, унинг бош продюсери Тина Канделаки ҳисобланади.