НАТО бош котиби Йенс Столтенберг альянс қўшинларининг ИШИДга қарши кураш учун Сурияга юборилиши қарори муҳокама этилмаслигини маълум қилди.

"АҚШ махсус қўшинлари чекланган миқдорда ҳаракат қилмоқда.

Биринчи галдаги вазифа бу маҳаллий кучларни ҳимоя этиш. Бу осон эмас, аммо ягона чора ҳам шу”, - деди Столтенберг.

Унинг сўзларига кўра, Суриядаги зиддиятлар Ғарбнинг ислом билан эмас, балки "экстремизм" ва "терроризм" билан курашидир.

"Мусулмонлар бу урушнинг асосий нишонига айланиб қолмоқда. ИШИД билан курашда асосий қурбонлар мусулмонлар бўлмоқда”, - деди Столтенберг.