АҚШ президенти Барак Обама миллатга мурожаатида Калифорниянинг Сан-Бернардино шаҳрида содир этилган қотилликларни теракт деб атаб, Конгрессни ИШИДга қарши ҳарбий куч қўллашга рухсат беришга чорлади. Бу ҳақда CNN телеканали хабар бермоқда.

“Бу бегуноҳ инсонларни ўлдиришга қаратилган террорчилик акти бўлди”, - таъкидлади АҚШ раҳбари.

“Террорчилик хавфи реал тус олмоқда, АҚШ уни енгиб ўтиши лозим”, - қўшимча қилди у.

Обама АҚШ ҳарбийлари бутун дунё бўйлаб террорчиларни овлашда давом этишини таъкидлаб ўтди.

“Биз ИШИДни ва бизга зиён келтирмоқчи бўлган ҳар қандай ташкилотни йўқ қиламиз”, - хулоса қилди президент.