Осиё тараққиёт банки мамлакатдаги инвестицион муҳитни қўллаб-қувватлаш мақсадида Тожикистонга 60 млн доллар миқдорида моддий ёрдам ажратади. Бу ҳақда банк тарқатган матбуот хабарномасида айтилди.

“Осиё тараққиёт банки Тожикистонда иқтисодий манфаатли имкониятларни кенгайтириш, хусусий секторни ривожлантириш ва инвестициялар жалб қилишга йўналтирилган дастурнинг биринчи фазаси доирасида 60 млн АҚШ доллари миқдорида бюджет ёрдамини маъқуллади”, - дейилади хабарномада.

Таъкидланишича, ОТБ ҳукумат томонидан бизнесни ривожлантириш мақсадида структур ислоҳотларнинг ўтказилишини қўллаб-қувватлаш мақсадида моддий ёрдам ажратишга қарор қилган.