Продюсер: Ботир Қодиров "Даракчи" газетасига бошқа интервью бермайди!

Маданият 07 Декабрь 2015 10853

Хонанда Ботир Қодировнинг продюсери Аброр Пўлатов Kun.uz билан суҳбатда шу кунларда матбуотда кўтарилган машмашаларга изоҳ берди.

Эслатиб ўтамиз, “Даракчи” газетасининг охирги сонида чоп этилган мақолада Ботир Қодировнинг концерт дастуридаги бўлиб ўтган айрим воқеалар кескин танқид остига олинган эди. Шундан сўнг хонанда газета таҳририятига бориб, интервью берди, аммо, продюсерининг маълум қилишича, бу материал нохолис таҳрир қилиниб, нашрга берилмоқда.

Шу муносабат билан Аброр Пўлатов бўлиб ўтган воқеаларга ўз муносабатини билдирди. Қуйида унинг сўзларини келтирамиз.

"Икки кун аввал “Даракчи”да чиқадиган навбатдаги интервью сарлавҳасини ўқиб, очиғи, ғалати аҳволга тушдим. "Б. Қодиров журналистлардан узр сўради". Мени бир савол қийнади: журналистлардан нимага узр сўраши керак? Маълумот учун, менинг мутахассислигим ҳам журналист. Журналист холислик мезони эмасми? Мақола нимага хафақон ё аламзада кайфиятда? Уларнинг нима ҳаққи бор? Бу ҳолатга Ботирнинг нима алоқаси бор? Журналистлар аккредитацияси ва кириб чиқишига хонанда нега жавоб бериши керак?
Келинг, воқеанинг очиқ таҳлилига эътибор берайлик, умуман бундай ҳолат келиб чиқишига сабаб қандай? Сабаби битта: бир мухбир қизнинг концертга киролмагани.

Б. Қодиров томонидан сўралган узр эса ўша қиздан ("журналист"дан) сўралган, холос. Бунга журналистларнинг ҳаммаси дахлдор эмас. Албатта, сўраш керак бўлса, сўрайди ҳам. Ўзи санъаткордан ҳокисори йўқ. Айниқса, Ботирга ўхшаган содда, кенг феълли санъаткорларга бу катта иш эмас. Лекин барибир кулгули.

Ойналар эмас, ойна синди, лекин уни Ботир синдирмади, бунга интервьюда ҳам, бошқа жойда ҳам изоҳ берилди. Энди омонатгина ойна эшик қаттиқроқ ёпилганига синди, хўш, нима қипти? Янгилаб, мустаҳкамидан қўйилдику, кимга керак бу ваҳима? Сигарета чекибти, хўп, бу ёмон одат ҳам дейлик. Аммо чекилмасин деб ёзиб қўйишмаса, буни қаердан билсин? Тўғри, билмаслик жавобгарликдан озод қилмайди, шунга жаримасини тўладик, 13.500 сўм. Хўш, ким зарар кўрди? Нимага ва кимга керак бундай шовшув? Фақат ўша аламзада, концертга киролмаган мухбирга...

Алам қиладигани, ўзим журналист бўлганим учун ўша куни, ёш қиз экан, синиб қолмасин, деб ташкилотчи укаларимга илтимос қилиб, битта таклифнома қилиб беринг, келсин дедим. У нима деб жавоб берди? Душанба иш куни бизда, деб жаҳл қипти. Ҳайрон қоласан, ахир ўша қизнинг вазифаси ёритишдан бошқамиди, шу унинг хизмат доирасидаги ишмасми? Ёки бир кун аввал дам олишга келганмикин? Энг қизиғи, сешанба куни ўша мухбир саройга келиб, муассаса раҳбари ва қўриқлаш хизматини қидириб бир иш кунини сарфлапти; бир кўрсатиб қўяй Б. Қодировга, дегандирда.

Хуллас, бунақа ҳолатлар одамнинг дилини хира қилади. Концертнинг мазмуни, моҳияти, одамлардаги ҳаяжон, қувонч қолиб, алламбало кир нарсаларни топишдан ким манфаатдор?!
Майли ҳаммасига чидадик, индамадик. Аммо янги чиқадиган мақолада концерт кунлари нотўғри ёзилганлигини қандай тушуниш мумкин?

Иккинчи саволнинг жавобига-ку, умуман тушунмадим... Нима деб ёздингиз, қанақа Франция, қанақа ролик, десам, диктофонда яхши эшитилмади, дейди мухбир қиз...
Бу ҳолат учун ким жавоб беради? Бу вазият билан боғлиқ қонун ҳужжатлари ҳам бор-ку, лекин биз жим турамиз, биз ижод қиламиз!

Агар қонуний ёндашадиган бўлсак, ташкилотчи сифатида бу қизни саройга киритиш мажбуриятимиз йўқ, ҳар ерга киришига эса биз жавобгар эмасмиз!"

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 17325 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 47947 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 21922 Ўзбекистон
Xiaomi Bluetooth'ли "ақлли" кроссовкаларни яратди
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 779 Жамият
Қозоғистонлик теннисчи мураббийига: «Аҳмоқона илжайишинг билан кўзимдан йўқол»
20:20 1302 Спорт
Трамп махфий хизмат иш ҳақи фондининг бир йиллик пулини сарфлаб бўлди
20:05 1037 Жаҳон
Artel Technical School «Келажак мактаби» ўқув нархларини пасайтирмоқда!
20:02 1349 Жамият
Каталония полицияси худкуш камари бўлган кишини отиб ташлади
20:01 1258 Жаҳон
Сурия армияси Ҳалабни ИШИДдан буткул озод қилди
20:00 1952 Жаҳон
Кўпроқ янгиликлар