Ҳиндистон шарқидаги Жаркханд штатида жойлашган назорат қилинмайдиган чорраҳада поезд автобус билан тўқнашиши оқибатида 13 киши ҳалок бўлди. Бу ҳақда штат полицияси хабар берди.

Воқеа штат пойтахти Ранчидан 70 км узоқда содир бўлди. Бутун бошли оила енгил автомобилда ибодатхонадан қайтаётган эди. Темир йўлдан ўтиш пайтида ғилдираклардан бири қисилиб қолган.

Поезд яқинлашаётганини эшитган одамлар машина ичидан чиқишга уринган, аммо улгурмаган. Состав автомобилга урилиб, уни 100 м гача судраб борган. Машинада бўлган барча оламдан ўтган.