7 декабрь куни Москва марказидаги автобус бекатларидан бирида портлаш содир бўлган эди. Интерфакс агентлигининг маълум қилишича, бу Ф-1 гранатаси бўлган экан.

“Безорилик моддаси бўйича очилган жиноий иш бўйича олиб борилган тергов доирасида Москва полицияси экспертлари Покровка кўчасидаги автобус бекати яқинида Ф-1 гранатаси портлаганини аниқлашди”, - маълум қилди шаҳар полицияси матбуот котиби Андрей Галиакберов.

Шунингдек, у олиб борилаётган тергов ва суриштирув ҳаракатлари билан боғлиқ равишда кўчанинг ушбу қисмида фақат жамоат транспортига ҳаракатланиш рухсат этилганини таъкидлади.