Россия бош прокуратураси инсон савдосида айбланиб жиноий жавобгарликка тортилган 23 ёшли Ўзбекистон фуқароси Фаррух Туйғуновни экстрадиция қилди. Расмий маълумотларга қараганда, Туйғунов 2014 йилдан буён қидирувда бўлган.

“Туйғунов 2013 йил июнидан 2014 йил февралига қадар опаси билан биргаликда ватандоши бўлган икки қизнинг оғир моддий аҳволидан фойдаланиб, уларни Миробод туманидаги хонадонида жойлаштирган. Зўрлик билан у қизларни интим хизматлар кўрсатишга мажбур қилган.

2015 йил июнида давлатлараро қидирувда бўлган Туйғунов Москвада қўлга олинди”, - дейилади прокуратура хабарномасида.