Россия пойтахти Москва шаҳридаги Покровка кўчасида жойлашган автобус бекатида рўй берган портлаш натижасида жароҳат олганлар сони тўрт нафарга етди, дея хабар бермоқда “Интерфакс”.

“Аниқлаштирилган маълумотларга кўра, содир бўлган ҳодиса натижасида тўрт киши жабрланди; уларнинг уч нафари шифохонага ётқизилди”, - дея хабар бермоқда Москва соғлиқни сақлаш департаменти матбуот хизмати.
Департаментнинг ойдинлик киритишича, жароҳат олганларнинг аҳволи оғир эмас, улардан бири шифохонага ётишдан бош тортди.

Аввалроқ эса Покровка кўчасида содир бўлган портлашнинг кучи 50 гр тротилга тенг экани маълум қилинган эди.
Ҳодиса жойида фавқулодда хизматлар иш олиб бормоқда, Покровка кўчаси бекитилган.