Буюк Британиядаги табиий офат қурбонлари ошиши давом этмоқда. Улар сони уч кишига етди, 42 мингта уй электр таъминотисиз қолди. Синоптиклар ҳудудда кучли бўрон бўлишидан огоҳлантиришмоқда.

Англиянинг шимолий-ғарбий ҳудудларида бошланган бўрон ва сув тошқинидан иборат табиий офат икки мингга яқин турар-жой биносини яксон қилди, кўплаб йўллар сув билан қопланди, темир йўл қатнови издан чиқди. Ўн минглаб уй электр таъминотисиз қолди. Бўрон Шотландиянинг жанубига қадар етиб борди.

Кучли шамол ва сув тошқини натижасида уч нафар киши нобуд бўлди, деб ёзмоқда Telegraph газетаси.