Оқ уй вакили миллиардер ва Республикачилар партиясидан АҚШ президентлигига номзод Дональд Трампнинг мамлакатга мусулмонларни киритмаслик тўғрисидаги баёнотига изоҳ берди, дея хабар тарқатмоқда Reuters.

“Бу Америкамиз қадриятларига тўлиқ зид келади. Ҳуқуқлар тўғрисидаги Биллда диний эркинликка ҳурмат мавжуд”, - дея қайд этди АҚШ президентининг миллий хавфсизлик бўйича маслаҳатчиси Бен Родс.
У мазкур баёнот мамлакат миллий хавфсизлигига зид келишини, чунки ИШИД жангарилари Қўшма Штатларга исломга қарши курашга киришишга ҳаракат қилаётганини қўшимча қилди.

Бундан аввалроқ эса Трамп матбуот хизмати унинг мамлакатга мусулмонларнинг киришини тақиқлаш тўғрисидаги баёнотини эълон қилган эди.