Парижнинг “Батаклан” концерт залига ҳужум уюштирган террорчи ҳақида унинг онасига йўлланган SMS-хабарнома орқали маълумот олинган, деб хабар қилмоқда Associated Press.

Ноябрь ойи охирида ушбу террорчи — Фуэд Моамед-Аггаднинг онасига ўғли “шаҳид” бўлгани ҳақида SMS юборилади.

Associated Press нашрининг маълум қилишича, ҳалок бўлган тарафдорлари ҳақида бу усулда маълум қилиш ИШИД учун одатий йўлдир.

Аввалроқ “Батаклан”га ҳужум қилинган саккиз террорчидан учтасини аниқлаш имкони бўлгани ҳақида хабар қилинган эди.