Канаданинг «Калгари Хитмен» хоккей жамоаси мухлислари 21 марта Petro-Canada Teddy Bear Toss хайрия акциясини уюштиришди.

«Скоушабэнк-Сэдлдоум» муз майдонида Ғарбий хоккей лигаси доирасидаги «Калгари Хитмен» — «Свифт Каррент» ўйини бошланганишидан кўп вақт ўтмасдан мухлислар 28 815 дона ўйинчоқ айиқчаларни майдонга улоқтиришган ва бу орқали ўтган йилги рекорд янгиланган. Эътиборли жиҳати, шу куни трибунада 20 минг нафардан ортиқроқ мухлис бор эди.

Майдондаги ўйинчоқларни йиғиштириб олиш учун 40 дақиқа сарфланган.

Бу айиқчалар маҳаллий хайрия ташкилотларига берилади.

Маълумот учун, бу муз аренасида мухлислар 1995 йилдан бери шундай хайрия флешмобини уюштириб келишади. Ўтган вақт давомида мухлислар 300 мингдан ортиқ ўйинчоқларни майдонга ташлашган.