Қирғизистон давлат рўйхатга олиш хизмати бўлинмалари томонидан 2010-2013 йилларда фуқароларга туғилганлик ҳақидаги 40 мингта яроқсиз гувоҳнома берилган. Бу ҳақда мамлакат ИИВга таянган ҳолда Қирғизистон телеграф агентлиги хабар бермоқда.

Хабар қилинишича, айни пайтда воқеа тафтиш қилинмоқда. Бундай ҳолат чет элга чиққан фуқароларга салбий таъсир кўрсатган. Мана шундай ҳодисалар кўпайиши натижасида бирламчи текширувлар ўтказилган ва яроқсиз ҳужжатлар тарқатилгани шу йўл билан аниқланган.

Биринчи навбатда Россияга боришда қийинчиликка учраган фуқаролар кўрган моддий зарарни ким қоплаб бериши масаласи ҳал қилиниши кутилмоқда.