"Барселона" жамоасининг бразилиялик собиқ футболчиси Роналдиньо жамоадан кетишига сабаб бўлган асосий омиллардан бирини айтди.

"Кетиш ҳақида қарор қилиш қийин бўлмаган. Чунки кетиш вақти келганди. Мен бу борада ўша вақтда жамоа мураббийи бўлган Франк Райкард билан гаплашдим, у менга "Милан" жамоаси ҳақида илиқ фикрларни айтди. Менда бошқа вариантлар ҳам бўлганди, лекин мен мураббийимнинг маслаҳатига кўра, "Милан"ни танладим.

Мен Мессига ёмон муомилада бўлмаганман. Бу ҳақда турли гаплар юради. Лекин бундай гапларда ҳақиқат йўқ. Мен ҳамиша унга ёрдам беришга ҳаракат қилардим.

Мен унга Роналдо мен билан қандай муомила қилган бўлса, шундай муомила қилганман.

Мен Роналдонинг меҳрибонлигини сезардим ва Месси ҳам мендан шуни кўришини истардим.

Месси ҳамиша камтар эди, лекин ўшандаёқ у етакчи футболчига айланиб бўлганди. Биз бир кўчада яшардик, менинг Месси ва унинг оиласи оиласи билан муносабатларим аъло даражада эди.

Ҳатто ўша пайтларда ҳам у мендан кучли эканини билардим", дея тан олади Роналдиньо.