Туркия бош вазири Аҳмет Довудўғлу Россияни Сурияда “этник тозалашлар” ўтказаётганликда айблади, деб хабар бермоқда Reuters ахборот агентлиги.

“Россия Шимолий Латақияда этник тозалаш ўтказишга уринмоқда ва бу ердан амалдаги тузумни қўллаб-қувватламаётган туркман ва суннийларни қочишга мажбур қилмоқда”, деб айтди Довудўғлу.

Довудўғлунинг таъкидлашича, Россия шу тариқа ўзининг Латақия ва Тартусдаги базаларини хавфсизлантирмоқчи бўлмоқда.