АҚШда Сурия ва Ироқда ИШИДга қарши кураш бўйича аниқ ва самарали стратегия бўлмаган ва мавжуд ҳам эмас, деб ишонч билан айтди АҚШ конгрессининг сенат ҳуқуқий қўмитаси раиси, Айова штатидан республикачи Чак Грассли.  

Грассли ФҚБ директори Жеймс Коми иштирокидаги йиғилишдаги ўз кириш нутқини “ИШИД ўз-ўзидан йўқ бўлиб кетишига умид қилиш – бу стратегия эмас” деб бошлади.

“Америка халқи нафақат террорчилик борасида, балки бизнинг президентимизнинг мамлакатни бирлаштириш,  хорижий ҳамкорлар етакчиси бўла олиш, ИШИДни яксон қилиш бўйича ишонч уйғотувчи стратегияни ишлаб чиқиш ва уни амалга оширишга қодир эмаслиги ва тайёр эмаслиги борасида ҳам хавотирда. Ва энди биз шу сусткашлик учун ҳақ тўламоқдамиз”, деб айтди Грассли.

“Бизнинг президент ИШИД ўз-ўзидан йўқ бўлиб кетади, деб умид қилмоқда. Бироқ умид қилиш – бу стратегия эмас. Умид – бу режа эмас, ҳаракат эмас”, деб қўшимча қилди Грассли.