Лондон шаҳри атрофидаги ҳудуд полицияси поезд йўловчиларидан бирида самурайлар қиличи борлиги ҳақидаги хабардан кейин поездни тўхтатди. Бу ҳақда The Independent нашри хабар ёзган.

Текширувлардан кейин маълум бўлишича, шубҳа остидаги буюм қилич эмас, унга ўхшашиб кетадиган ёмғирпўш экани маълум бўлди.

Ушбу ҳодиса ҳақида соябон эгаси, 22 ёшли британиялик Рэй Барун ўз твиттери орқали хабар қилган.

"Полиция мен минган поездни 10 дақиқа давомида тўхтатиб қўйди. Бунга менинг соябоним бошқаларнинг кўзига самурайлар қиличи бўлиб кўрингани сабаб", дея ёзган у.
У полициянинг ҳаракатини тўла тушуниши ва огоҳлик зарурати юзасидан бу текширув амалга оширилганини қайд этиб ўтган.

Бир неча кун олдин, Лондондаги метрода номаълум шахс қилич кўтарган ҳолда одамларга ҳамла қилиб, "Бу Сурия учун", дея ҳайқиргани тўғрисида хабар берилганди. Унинг ҳужуми туфайли 3 йўловчи жароҳатланган.