Япония мафияларига қарши кураш доирасида АҚШ молия вазирлиги 9 декабрь куни «Ямагути-гуми» жиноий синдикати раҳбари Тадамаса Готонинг банкдаги ҳисоб рақамини музлатиб қўйди, дея ёзмоқда Financial Times газетаси.

«Тадамаса Гото бутун дунё бўйлаб жиноий ташкилотлар ичида муҳим одам бўлиб келган. Бугунги қарор АҚШнинг трансмиллий жиноятларга қарши курашишимизни англатади», — дея гапириб ўтган хорижий активлар назорати бўйича бошқарма бошлиғи Жон Смит.

Ўн беш йил муқаддам Япониянинг бўлажак жиноятчи ташкилотлари етакчиси АҚШ ҳуқуқ-тартибот идоралари диққатига тушган. Унинг мамлакатга кириши тақиқланган бўлишига қарамай, 2001 йилда Гото жигарни кўчириб ўтиш операцияси учун Калифорнияга киришга уринган. Баъзи манбаларга кўра, у бу ишни уддалаган.

Ҳозирда Гото Камбоджада истиқомат қилиб келмоқда. Унинг «Ямагути-гуми» жиноий гуруҳига ҳозирда ҳам алоқадор экани ҳақида маълумотлар бор.