Италия ишбилармонлик доиралари делегацияси 9 декабрда Ўзбекистонга уч кунли ташриф билан келди.

Ташриф “Италия-Ўзбекистон қўшма савдо палатаси (CIUZ)нинг Турин савдо-ишлаб чиқариш палатаси, Ўзбекистон савдо-саноат палатаси ва Турин политехника университети билан ҳамкорлигида ташкил этилди.

Делегацияга Луижи Иперти бошчилик қилмоқда. Делегация таркибига Tecnocad Progetti, MEC, Mobitecno, Группа CNL, Meccanotecnica Umbra ва бошқа компаниялар вакиллари кирган.

Ташриф давомида В2В (бизнес-бизнес учун) форматида бизнес-анжуманлар, Турин политехника университетининг Тошкентдаги филиали ҳамда ишлаб чиқариш ва индустриал ҳудудларда учрашувлар ўтказилиши режалаштирилган.

Тадбирларда Ўзбекистон ва Марказий Осиё бозорларидаги янги тенденцияларни муҳокама қилиш режалаштирилган.

Италия компаниялари Ўзбекистон вакиллари билан тўқимачилик, машинасозлик, озиқ-овқат, фармацевтика, энергетика ва бошқа соҳаларда алоқаларни ўрнатмоқчилар.