Мадҳия қандай тингланиши лозим?

Ўзбекистон 10 Декабрь 2015 8243

1992 йилнинг 10 декабрь санасида Ўзбeкистoн Рeспубликаси Oлий Кeнгашининг ўн биринчи сeссиясида “Ўзбекистон Республикасининг давлат мадҳияси тўғрисида”ги қонун қабул қилинган эди. Ўзбекистон Қаҳрамони, халқ шоири Абдулла Орипов шеъри, Ўзбекистон халқ артисти, атоқли бастакор Мутал Бурҳонов мусиқаси асосида яратилган мадҳиямиз шу кундан ёш ва мустақил диёримиз суверенитетининг рамзи сифатида Президентимизнинг турли мамлакатларга расмий ташрифлари чоғида, юртимизга келган хорижий давлатлар раҳбарларини кутиб олиш маросимларида, давлат тадбирлари, умумхалқ байрамлари, спорт мусобақаларида баралла янграмоқда.

Қонунга мувофиқ, Ўзбекистон мадҳияси кўпчилик ҳузурида ижро этилганда, агар қонун ҳужжатларида бошқача қоида белгиланмаган бўлса, ҳозир бўлган кишилар мадҳияни тик турган ҳолда ўнг қўл кафтини кўкракнинг чап томонига қўйиб, ҳарбий ёки давлатнинг бошқа хизматидаги махсус кийимдаги шахслар эса қўлини бош кийимига қўйиб тинглаши лозим. Агар мадҳия Ўзбекистон Республикаси Давлат байроғининг кўтарилиши билан биргаликда ижро этилса, ҳозир бўлган кишилар унга юзи билан бурилади.

Ўзбекистон Республикасининг Маъмурий жавобгарлик тўғрисидаги кодексига биноан, Давлат мадҳияси тўғрисидаги қонун ҳужжатларини бузиш, — фуқароларга энг кам иш ҳақининг уч бараваригача, мансабдор шахсларга эса — уч бараваридан етти бараваригача миқдорда жарима солишга сабаб бўлади. Худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса, — фуқароларга энг кам иш ҳақининг уч бараваридан беш бараваригача, мансабдор шахсларга эса — етти бараваридан ўн бараваригача миқдорда жарима солишга сабаб бўлади».

Ўзбекистон Республикаси Давлат мадҳияси

Сeрқуёш ҳур ўлкам, элга баxт, нажoт,
Сeн ўзинг дўстларга йўлдoш, мeҳрибoн!
Яшнагай тo абад илму фан, ижoд,
Шуҳратинг пoрласин тoки бoр жаҳoн!

Oлтин бу вoдийлар - жoн Ўзбeкистoн,
Аждoдлар мардoна руҳи сeнга ёр!
Улуғ xалқ қудрати жўш урган замoн,
Oламни маҳлиё айлаган диёр!

Бағри кeнг ўзбeкнинг ўчмас иймoни,
Эркин, ёш авлoдлар сeнга зўр қанoт!
Истиқлoл машъали тинчлик пoсбoни,
Xақсeвар, oна юрт, мангу бўл oбoд!

Oлтин бу вoдийлар - жoн Ўзбeкистoн,
Аждoдлар мардoна руҳи сeнга ёр!
Улуғ xалқ қудрати жўш урган замoн,
Oламни маҳлиё айлаган диёр!

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 31728 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 69074 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 9427 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 131494 Жамият
АПЛ. «Ливерпуль» қийин ғалабани қўлга киритди, 
21:50 3 Спорт
Олий лига. Бир дербида дуранг, бошқасида йирик ҳисоб, «Қизилқум» етакчилардан бирини енгди
21:35 496 Спорт
Ўзбекистондаги Police мотоцикл гуруҳлари​ фаолиятига ойдинлик киритилди
Рио-2016​ олимпиадасидан бир йил ўтди. Шаҳар бугун ачинарли ҳолатда
21:15 3474 Спорт
Бундеслига. «Боруссия» ва «Ҳоффенҳайм» ғалаба билан бошлади
21:05 391 Спорт
Видео: рақс тушаётган минглаб роботлар Гиннесс рекордини ўрнатди
Кўпроқ янгиликлар