Қирғизистонда яқин йиллар ичида янги масжидлар қурилиши режалаштирилмаган.

"Агар бадавлат ҳомийлар янги масжидлар қурдирмоқчи бўлишса, уларга ўз хайрия ёрдамларини қурилиши битмай ётган масжидлар учун йўналтиришни таклиф қиламиз", дейди журналистларга муфтий Мақсатбек ҳожи Тўхтамишев.

Унинг сўзларига кўра, республика ҳудудида айни вақтда 2 662та масжид мавжуд.

"Қайдномага киритилмаган масжидлар сони 883та, яна 563та масжид қайдномадан ўтиши кутилмоқда", дейди муфтий.

Қайдномадан ўтказилмаган масжидларда ҳужжатлар тўғри эмаслиги ҳолатлари учраган.

Муфтийнинг қайд этишича, бундан кейин ҳар бир масжид имоми ҳар ойда ўз ҳудудидаги аҳолининг диний кайфияти ҳақида ҳисобот беради.