Афғонистон ҳукумати энергияси танқислигидан азият чекаётган йирик шимолий провинциялар аҳолиси учун Ўзбекистондан сотиб олаётган электр энергияси ҳажмини оширди. Бу ҳақда Sputnik агентлиги хабар берди.

Хабарда келтирилишича, Ўзбекистон ва Афғонистон 2016 йилда электр энергия етказиб бериш тўғрисидаги шартномани имзолаган.

Шу муносабат билан Тошкентга ташриф буюрган афғон делегацияси харид қилинадиган энергия миқдорини 2015 йилгидан 10 фоизга оширган.

Агентлик маълумотига кўра, Ўзбекистон ва Афғонистон бошқа йўналишлар, масалан, электр тармоқлари қурилиши ва мамлакатда ишлаб чиқариш ҳажмини ошириш бўйича ҳам ҳамкорлик олиб боришга келишиб олди.

Ўзбекистон 2015 йилда қўшни мамлакатларга жами бўлиб 1,5 миллиард кВт/соат электр энергияси сотишни мўлжаллаган.