Ўзбекистон ТИВ: террорчиликка қарши кураш бутун ислом дунёсига қарши зиддиятга айланиб кетмаслиги керак

Ўзбекистон 10 Декабрь 2015 6428

Ўзбекистон ТИВ ўринбосари Дилёр Ҳакимов террорчиликка қарши курашни ислом дунёсига қарши зиддиятга айлантириб юбормасликка чақирди. Ислом динини эса ўзаро ҳурмат ва бағрикенгликка асосланган бирлаштирувчи ва муқобиллаштирувчи восита сифатида ишлатишни таклиф қилди.

"Ўзбекистон ўзаро ҳурмат ва бағрикенгликни ривожлантириш ва халқаро муаммоларни сиёсат ёрдамида ҳал қилишни тарафдори. Террорчиликка қарши курашни ислом динига қарши зиддиятга айлантирмаслик керак", дейди Дилёр Ҳакимов.

Ушбу нуқтаи назарни, Ўзбекистон делегацияси раҳбари Белградда бўлиб ўтган ЕХҲТ (ОБСЕ) Ташқи ишлар вазирлар кенгашида маълум қилди.

Ҳакимовнинг сўзларига қараганда, дунёда мураккаб геосиёсий вазият юзага келган, радикал террорчи гуруҳлар алоҳида хавф туғдирмоқда, шу жумладан Афғонистон ҳудудидаги жангари гуруҳлар ҳам.

Ўзбекистон сиёсатчиларининг фикрига кўра, Афғонистондаги муаммоларнинг ёлғиз ечими – тинч ва сиёсий музокаралар ўтказиш.

“Ҳар қандай кескин қарама-қаршилик ва тўқнашувлар муаммосини, халқаро ҳуқуқ қоидаларига сўзсиз амал қилган ҳолда, тинч сиёсий музокаралар йўли билан ҳал қилиш мумкинлигига Ўзбекистон тўлиқ ишонади”, — деди дипломат.

Маҳаллий ва глобал хавфсизликни ошириш чораси сифатида, Ўзбекистон ўзаро ҳурмат, тоқатлилик ва маданий бағрикенглик мафкурасини тарғиб қилишни таклиф қилмоқда.

Ҳакимовнинг сўзларига кўра, кўп йиллар давомида исломий илмлар маркази бўлган Ўзбекистон, халқлар ва динлараро муносабатларда бағрикенглик, одамлар орасидаги муносабатларда, миллат ва эътиқодидан қатъи назар, ўзаро ҳурмат ва ҳамжиҳатлилик тарафдори ҳисобланади.

“Бизнинг мамлакат, террорчиликка қарши кураш, ислом дунёсига қарши очиқ ёки яширин зиддиятга айланиб кетмаслиги керак. Турли маданиятлар ва динлар орасидаги муносабатларда бағрикенглик ва ўзаро ҳурмат масалалари, ижтимоий мослашув муаммосини ҳал қилиш ЕХҲТ гуманитар ишлар рўйхатидан устувор ўрин эгаллаши керак”, — деди ТИВ вакили.

Ўзбекистон делегацияси раҳбари, шу ўринда региондаги экология муаммоларида ҳам тўхталиб ўтди. Хусусан у, Орол денгизи муаммоси Ўрта Осиё мамлакатларини бирлаштирувчи восита бўлиши кераклигини таъкидлади. Ушбу масалада, Ўзбекистон Амударё ва Сирдарё ирмоқларида йирик тўғон ва ГЭСлар қурилишига қарши чиққан. Чунки ушбу дарё ҳавзаларида миллионлаб одамларнинг ҳаётини таъминловчи воҳалар жойлашган.

Ҳакимовнинг сўзларига қараганда, регионда сув ресурсларидан фойдаланиш масалалари, барча мамлакатлар қизиқишини ҳисобга олган ҳолда, халқаро ҳуқуқ нормаларига асосан, ҳал қилиниши керак.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 20697 Жаҳон
Кун.uz офис изламоқда
15:48 / 06.08.2017 38036 Lifestyle
Зидан: Бизни оғир мавсум кутиб турибди, яна «Барса» билан рақобат
09:00 2 Спорт
НАТО шаҳарларда ҳарбий амалиётларни ўтказиш концепциясини ишлаб чиқмоқчи
08:59 18 Жаҳон
Гватемалада жиноятчиларнинг шифохонага ҳужум қилиши оқибатида 7 киши ҳалок бўлди
08:51 77 Жаҳон
Саудия Арабистонида ҳукмрон оиладан бўлган яна бир шаҳзода вафот этди
08:46 892 Жаҳон
Германияда уруш давридаги бомба туфайли 10 мингдан ортиқ киши эвакуация қилинди
08:32 641 Жаҳон
Вальверде: «Реал» ҳам барибир мағлуб бўлади
08:31 1 Спорт
Венесуэладаги турмада юз берган тўқнашувлар оқибатида кўплаб маҳбуслар ҳалок бўлди
08:25 755 Жаҳон
Саудия Арабистони ҳаж вақтига зиёратчилар учун Қатар билан чегарасини очади 
08:16 990 Жаҳон
Кўпроқ янгиликлар