Швейцария парламенти 2016 йил учун янги президент ва вице-президентни тайинлади ва Федерал кенгашда (ҳукумат) янги вазирлар бўйича овоз бериш ўтказди.

Швейцария қонунчилигига кўра, мамлакат президенти ва вице-президенти парламентнинг иккала палатаси томонидан Федерал кенгашнинг 7 аъзосидан 1 йиллик муддатга тайинланади.

2016 йил 1 январдан Швейцария президенти лавозимини амалдаги вице-президент Йоахим Шнайдер-Амман эгаллайди ва у шунингдек ўзининг ҳозирда Федерал кенгашнинг иқтисодий ишлар, таълим ва тадқиқотлар департаменти раҳбари (вазир) вазифаларини ҳам бажаришда давом этади. 2016 йил учун Швейцария вице-президенти этиб Федерал кенгашнинг атроф-муҳит, транспорт, энергетика ва алоқа департаменти раҳбари Дорис Лёйтхард тайинланди.