Британияда сўнгги йилларда терроризмда гумон қилиниб қўлга олинаётган фуқаролар сони учдан бир қисмга ошди, бунда аёллар ва қизлар ҳам ИШИД тарафдорлари бўлиб чиқмоқда, дея хабар берди The Telegraph.

Қайд этилишича, 2015 йилнинг биринчи тўққиз ойи давомида британ полицияси 315 кишини террористлар билан алоқадорлиги учун ҳибсга олди, ўтган 12 ойда эса ушбу рақам 235 нафарни ташкил этган. Айни шу айб билан қамоққа олинганларнинг 50 нафари аёл киши бўлса, 15 нафари вояга етмаганлардир.

Нашр маълумотига кўра, ҳибсга олинганларнинг тўртдан уч қисми Британия фуқароси ёки икки давлат фуқаролигига эга. Бу эса мамлакатда “хонаки терроризм”нинг чақнаши кузатилганидан далолат беради.

Ўз навбатида, ўтган 2014 йилда ҳибсга олинган 115 фуқаро ҳеч қандай айблов эълон қилинмасдан қўйиб юборилган.