Санкт-Петербургнинг "Зенит" жамоаси жорий мавсум Европа Чемпионлар лигаси турнирининг гуруҳ босқичи якунларига кўра камида 25 млн евро даромад қилган. Бу ҳақда очиқ маълумотларга асосан хабар қилинган.

"Зенит" Н гуруҳида 6та ўйиндан 15 очко жамғарди ва биринчи ўринни эгаллади. Гуруҳдаги ҳар бир ғалабали ўйин "Зенит" ғазнасига 1,5 млн евродан олиб келган (5*1,5=7,5 млн евро). Шунингдек, жамоа иштирок учун 12 млн евро олади. Гуруҳдан чиққанлик учун яна 5,5 млн евро берилади ва жамоанинг ўйинлар ўтказиш орқали оладиган даромади 25 млн еврони ташкил қилади (7,5+12+5,5=25).

Агар "Зенит" кейинги босқичдаги 2 ўйиндан муваффақиятли ўтиб, чорак финалга йўл олса, УЕФАдан яна 6 млн евро олади.

Нимчорак финал босқичи жуфтликларини аниқлаш учун қуръа ташлаш маросими 14 декабрь куни Швейцариянинг Ньон шаҳрида ўтказилади.