Англия премьер-лигаси ноябрь ойининг энг яхшилари номини эълон қилди.

Унга кўра ойнинг энг яхши футболчиси деб барча уч учрашувда гол урган ва кетма-кет гол уриш бўйича премьер-лига рекордини (11 учрашув) янгилаган «Лестер» ҳужумчиси Жейми Варди топилди.

Ойнинг энг яхши мураббийлиги ҳам «Лестер»га насиб қилди. Жамоа бош мураббийи Клаудио Раньери бундай номга сазовор бўлди. Италиялик мутахассис бошчилигида «тулкилар» ўтган ойда АПЛ доирасидаги учрашувларда иккита ғалаба ва битта дуранг натижа қайд этди.

Эслатиб ўтамиз, оҳирги вақтда «Лестер» Англия чемпионатида пешқадамлик қилмоқда.