АҚШ НАТО учун мўлжалланган ракетага қарши мудофаа тизими доирасида SM-3 ракета-тутувчисини муваффақиятли синовдан ўтказди. Бу ҳақида Пентагон қошидаги Ракетага қарши мудофаа агентлиги (РҚМА) маълум қилган.

РҚМА Тинч океанидаги АҚШ ҳарбий-денгиз кучлари ва Европа қўмондонлигидаги АҚШ ҳарбий кучлари билан ҳамкорликда “SM-3 дан фойдаланган ҳолда ракета тутиш амалиёти муваффақиятли амалга оширган”, дейилади маълумотда.

РҚМА да маълум қилишларича, синов вақтида Американинг ҳарбий-транспорт самолёти С-17 ўқув баллистик ракеталаридан бирини ишга солган. Радарларда аниқланган нишон Гавайи оролларидан бири бўлмиш Кауаида жойлашган Aegis тизимидан учирилган SM-3 томонидан йўқ қилинган.