Австралия қамоқларида террорчилик учун ўтирган маҳбуслар ҳеч қачон жазо масканидан чиқа олмаслиги мумкин. Тегишли ўзгартишларни миллий қонунчиликка киритиш таклифи билан бош вазир Малколм Тёрнбулл чиқди. Бу ташаббусни мамлакат раҳбари барча штатлар ҳукуматлари бошлиқлари ва асосий вазирлари билан учрашув чоғида илгари сурди.

Лойиҳа ташаббускори сифатида федерал парламентнинг разведка ва хавфсизлик бўйича иккала палата бирлашган қўмитаси раиси Дэн Тиэн кўрсатилмоқда. Унинг фикрича, террорчилик таҳдидига қарши самарали курашиш учун штатларнинг раҳбарларига бундай фаолият учун жазо масканида сақланаётган шахсларнинг қамоқ муддатини хоҳлаганча узайтириш имкониятини бериш лозим.

Ўтган пайшанба куни полиция Сиднейда истиқомат қилувчи икки шахсни қўлга олди. Улардан бири 15 ёшли ўсмирдир. Улар аллақачон қамоққа олинган уч шахс билан алоқа қилиб туриб теракт тайрёлаб келгани аниқланди. Шу боис мазкур ташаббус қизғин муҳокама қилинмоқда.