ОПЕКка аъзо давлатларнинг нефть қазиб чиқаришни ошириши оқибатида, пайшанба кунги савдоларда нефть нархида сўнгги 3 йилдаги энг паст кўрсаткич қайд этилган.

Brent туридаги нефть нархининг бир баррели Лондон биржасидаги савдоларга кўра 39,67 долларга баҳоланган бўлиб, бу орқали 7 йил олдинги энг паст кўрсаткич янгиланди. 2009 йилда бу турдаги нефть нархи 1 баррели учун 38,88 долларгача тушганди.

ICE Futures (Лондон биржаси) савдоларига кўра, Brent туридаги нефть нархи 2015 йилнинг январидан бери 1,22 фоизга тушган.

WTI туридаги нефть нархи Нью-Йорк товар биржаси (NYMEX) савдоларига кўра, бир баррели 36,76 долларни ташкил этган.

ОПЕК маълумотларига кўра, ташкилотга аъзо давлатлар ноябрь ойида нефть қазиб чиқаришни бир кунда 31,695 млн баррелга етказган бўлиб, бу 2012 йил апрелидаги энг юқори кўрсаткичдан ҳам юқоридир. Жумладан, Ироқ нефть етказиб беришни ўтган ойда кунига 247,5 минг баррелдан 4,3 млн баррелга оширган. Саудия Арабистони эса 25,2 минг баррелдан 10,13 млн баррелга камайтирган.