Озарбайжон президенти Илҳом Алиевнинг 8 декабрдан буён давом этаётган Хитойга расмий ташрифи доирасида икки томон делегацияларининг кенгайтирилган учрашуви ўтказилди. Унинг якунларига кўра икки ўртада 10та ҳужжат имзоланди.

Хусусан, Илҳом Алиев ва ХХР раиси Си Цзиньпин “Озарбайжон Республикаси ва Хитой Халқ Республикаси ўртасидаги дўстона алоқалар ва ҳамкорликни янада ривожлантириш ва чуқурлаштириш тўғрисидаги қўшма декларация”ни имзолашди.

Икки томоннинг бошқа масъул шахслари, делегациялар иштирокчилари қолган ҳужжатларни имзолашди. Улар орасида ТИВлар ўртасида имзоланган “Ипак йўли иқтисодий камари”ни яратиш бўйича Озарбайжон Республикаси ва Хитой Халқ Республикаси ўртасидаги ўзаро тушуниш тўғрисидаги меморандум” бор.