2015 йилнинг 7-11 декабрь кунлари Тошкент шаҳрида Ўзбекистон Республикаси ва Қозоғистон Республикаси Ҳукумат делегациялари Ўзбекистон-Қозоғистон Қўшма демаркация комиссиясининг навбатдаги йиғилишини ўтказди. Бу ҳақда Ўзбекистон ТИВ матбуот хизмати хабар тарқатган.

Учрашувда Ўзбекистон-Қозоғистон Давлат чегараси демаркациясига оид ҳужжатларни тайёрлаш ишлари давом эттирилди.

Музокаралар конструктив оқимда, дўстона қўшничилик руҳида ва бир-бирининг манфаатларини инобатга олган ҳолда бўлиб ўтди.