RT Кремль пропагандаси қандай ишлашини кўрсатиб берди

Жамият 11 Декабрь 2015 8944

RT телеканали ўзининг 10 йиллик юбилейи муносабати билан Россия президенти Владимир Путинга “Кремль пропагандаси” қандай ишлайди, ёхуд Симоньян, айиқ ва қундуз шарбати” номли видеоролик намойиш этиб берди. Видео ҳозирликда YouTube видеосервисига жойлаштирилган.

Ролик телеканал таҳририятининг ишига бағишланган. Унда Россия телевидениесининг ишлаши ҳақида европалик оппонентларнинг даъволари пародик тарзида кўрсатиб берилган.

Сюжетга кўра, RT бош муҳаррири Маргарита Симоньян пахта чакмон (ватник), қулоқчин ва калишда канал ишчиларига топшириқлар бериб боради ва бирйўла каналнинг ишлашини томошабинларга кўрсатади.

Биринчи кадрда у жомадон ичидан доллар тахламларини чиқариб, Михаил лақабли айиққа беради ва видеоролик буюртма қилади. Кейинги кадрда эса телеканал бюджети келтирилган юк машинасидан чиқади.

“Илгари бешта фура ҳам олиб келишарди, ҳозир эса инқироз, бу сафар ё битта, ё иккита олиб келишибди. Ҳеч қиси йўқ, етади. Биз тежамкормиз”, - дейди бош муҳаррир.

RT биносида у ерга тўкилиб кетган қундуз шарбати идишига дуч келади, сўнг тўғридан-тўғри Кремлдан кўрсатма оладиган “тозалаш бўлими”га киради.

Сўнг Симоньян бир йўлак бўйлаб юриб, Сурия, Донбасс, Яман ва бошқа қайноқ нуқталар бўйича саҳналар суратга олинадиган павильонларни кўрсатади. Кейин эса ертўлага тушиб, каналда ишлаётган чет элликларга “Макдональдс”дан харид қилинган овқатдан беради.

Экскурсия якунида Симоньян хоним янгиликлар студиясини таништиради. Унинг ишини тўппонча билан қуролланган россиялик ҳарбий назорат қилмоқда, телебошловчи эса стулга кишанлаб қўйилган.

“Сиз буни шунақа тасаввур қилгандингизми? Тўппа-тўғри, биз айнан шундай ишлаймиз”, - хулоса қилади бош муҳаррир монтаж кабинетида. Видео охирида Владимир Путин ушбу роликни кўраётгани намойиш этилган.

Сюжет президентга 10 декабрь куни, телеканалнинг 10 йиллиги муносабати билан кўрсатилган. Давлат раҳбари канал ишчиларини табриклаш учун “Новый Манеж” кўргазма мажмуасига ташриф буюрган эди.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 28842 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 64948 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 8154 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 125455 Жамият
Бекободнинг 2035 йилгача мўлжалланган  бош режаси: Шаҳар қандай кўринишда бўлади?
Зафар Рўзиев: Энди Қашқадарёда етиштириладиган пахтанинг ярмидан кўпи ўзимизда қайта ишланади
Алвидо Dodge Viper! Суперкарнинг энг ноёб намуналари
Афғонистонда толибларнинг етакчиларидан бири ўлдирилди
17:50 730 Жаҳон
Украинада Франциянинг 200 млн еврони ўзлаштирган фуқароси қўлга олинди
17:40 1087 Жаҳон
Ўзбекистон Республикаси Олий суди турли миш-миш хабарларга раддия берди
Кўпроқ янгиликлар